पंढरपूर - ( उ मा का )
अवैध गौण खनिज उत्खनन व वाहतूकी विरोधात पंढरपूरच्या महसूल विभागाने धडक मोहीम हाती घेतली आहे. तालुक्यात महसूल विभागाच्या भरारी पथकाव्दारे चिंचोली भोसे येथे अवैध वाळू उत्खनन व वाहतूक करत असताना धडक कारवाई केली असून, त्यामध्ये दोन ट्रॅक्टर व डपिंग ट्रॉली जप्त करण्यात आले असल्याची माहिती तहसिलदार सुशिल बेल्हेकर यांनी दिली.
पंढरपूर तालुक्यातील अवैध गौण खनिज उत्खनन रोखण्यासह वाळूची अवैध वाहतूक करणाऱ्यांच्या विरोधात कारवाई करण्यासाठी प्रांताधिकारी गजानन गुरव यांच्या मार्गदर्शनाखाली तहसिलदार सुशिल बेल्हेकर यांनी भरारी पथकांची नेमणूक केली आहे. भीमा नदी पात्रातील मौजे चिचोली भोसे (कोळेकर वस्ती) येथे अवैध वाळू उपसा व वाहतूक करण्यात येत असल्याची माहिती महसूल प्रशासनास मिळाली.
शनिवार दि. 17 डिसेंबर 2022 रोजी पहाटे 03.00 वाजता मौजे चिचोली भोसे (कोळेकर वस्ती) येथे महसूल पथकास पाविण्यात आले. सदर ठिकाणी अवैध वाळू उपसा व वाहतूक सुरु असल्याचे निर्देशनास आले. भरारी पथकाव्दारे धडक कारवाई केली. यामध्ये दोन ट्रॅक्टर व डपिंग ट्रॉली जप्त करुन शासकीय धान्य गोदाम, पंढरपूर येथे लावण्यात आले तहसिलदार बेल्हेकर यांनी दिली. या भरारी पथकात मंडळ अधिकारी डी.व्ही.शिंदे, तलाठी एस .बी कदम, एस .आय पटेल, डी .के ठाकरे, कोतवाल तानाजी लोंढे सहभागी होते.
0 Comments